အရပ်ဘက် စစ်ဘက် ဥပဒေ ရှစ်ချက်

အရပ်ဘက် စစ်ဘက် ဥပဒေ ရှစ်ချက်
=======================
ပရော်ဖက်ရှင်နယ် တပ်မတော်များကို ဒီမိုကရက်တစ် အရပ်ဘက် အစိုးရက ပြေပြေလည်လည် ချောချောမွေ့မွေ့ ထိန်းသိမ်းကိုင်တွယ်နိုင်ဖို့ အတွက် သေချာစေမယ့် ဥပဒေသရှစ်ချက်ကို တင်ပြလိုပါတယ်။ 

တင်ပြပါ ဥပဒေသများဟာ စစ်ဘက် ဒါမှမဟုတ် ဒီမိုကရက်တစ် အရပ်ဘက် စသည်ဖြင့် ဘက်တစ်ဖက်တည်းက လိုက်နာကျင့်သုံးလို့ မရဘဲ တချို့ကို စစ်ဘက်က လိုက်နာကျင့်သုံးရမှာ ဖြစ်ပြီး တချို့ကို အရပ်ဘက်က လိုက်နာကျင့်သုံးရမှာ ဖြစ်ကာ တချို့ကိုတော့ အတူတကွ ပူးပေါင်းကျင့်သုံးရမှာ ဖြစ်ကြောင်း တွေ့ရှိနိုင်ပါတယ်။  

ဒါကြောင့် ပရော်ဖက်ရှင်နယ် တပ်မတော်တွေကို အရပ်ဘက် ဒီမိုကရက်တစ် အစိုးရတွေက ထိန်းသိမ်းကိုင်တွယ်မယ်ဆိုရင် နှစ်ဖက်လုံးရဲ့ ပူးပေါင်းဆောင်ရွက်မှု မရှိဘဲနဲ့ မဖြစ်နိုင်သလို အရပ်ဘက် ဒီမိုကရက်တစ်များရဲ့ အရည်အချင်းကလည်း အင်မတန် အရေးကြီးကြောင်း တွေ့ရပါတယ်။

ဥပဒေသ အမှတ် (၁)
=============
အရပ်ဘက် ခေါင်းဆောင်များက နိုင်ငံခြားရေးနဲ့ ကာကွယ်ရေးဆိုင်ရာ မဟာဗျူဟာများကို ချမှတ်ပေးရမှာ ဖြစ်ပါတယ်။ စစ်ဘက်က လိုက်နာဆောင်ရွက်ရမယ့် ရည်မှန်းချက်တွေ မဟာဗျူဟာတွေကို အရပ်ဘက်က ဆုံးဖြတ်ပေးတာ၊ စစ်ရေးအသုံးစရိတ်ကို အရပ်ဘက်က တွက်ချက်ပြဋ္ဌာန်းပေးတာ စသည်ဖြင့် ပရော်ဖက်ရှင်နယ် တပ်မတော်ကို တိုင်းပြည်အတွက် အလွန်အဖိုးတန် အသုံးဝင်တဲ့ အဖွဲ့အစည်းတစ်ခုအဖြစ် အသိအမှတ်လည်းပြု အသုံးဝင်အောင်လည်း ပုံသွင်းပေးတဲ့ သဘောတရား ဖြစ်ပါတယ်။ 

ဒီလို စစ်ဘက်က လုပ်ဆောင်ရမယ့် ရည်မှန်းချက်တွေ မဟာဗျူဟာတွေ နိုင်ငံခြားရေးဆိုင်ရာ မူဝါဒတွေ (ဥပမာ- နယ်ခြားဆိုင်ရာ မူဝါဒတွေ) ကို အရပ်ဘက် ခေါင်းဆောင်တွေက သတ်မှတ်ပြဋ္ဌာန်းပေးဖို့ ဆိုတာ အရပ်ဘက် ခေါင်းဆောင်တွေမှာ တော်ရုံတန်ရုံ အရည်အချင်းရှိရုံနဲ့ မရဘူးဆိုတာ ရှင်းပြဖို့လိုမယ် မထင်ပါဘူး။ အခြေခံဥပဒေထဲမှာ ထည့်သွင်းပြဋ္ဌာန်းထားသည် ဖြစ်စေ၊ မထားသည်ဖြစ်စေ အရပ်ဘက် ခေါင်းဆောင်တွေမှာ စစ်ရေးအမြင်ရှိဖို့ လိုအပ်တယ်ဆိုတာ ပြောစရာ မလိုအောင် ထင်ရှားလှပါတယ်။

အထက်အောက် အမိန့်ပေးစနစ်နဲ့ အသားတကျ ဖြစ်နေတဲ့ တပ်မတော်လို အဖွဲ့အစည်းမျိုးဟာ သတ်မှတ်ပြဋ္ဌာန်းပေးတာကို နာခံလုပ်ဆောင်မှာ ဖြစ်တဲ့အတွက် အမိန့်ပေးသူ အတွက်လည်း တာဝန်ကြီးလေးမှာကတော့ အမှန်ပါပဲ။ နိုင်ငံလုံးဆိုင်ရာ ကာကွယ်ရေး မဟာဗျူဟာတွေကို ချမှတ်ပေးရမယ့် သမ္မတ အပါအဝင် အရပ်ဘက် နိုင်ငံရေးခေါင်းဆောင်တွေရဲ့ အရည်အချင်း ပြည့်ဝတာနဲ့အမျှ နိုင်ငံရဲ့ ကာကွယ်ရေး စွမ်းရည်က အဖြေထုတ်ပေးမှာ ဖြစ်ပြီး အဲသည် ပြဋ္ဌာန်းပေးချက်တွေကိုလည်း တပ်မတော်က လိုက်နာဖို့ မလွဲမသွေ လိုအပ်ပါတယ်။ 

လက်ရှိမှာ တပ်မတော်အတွက် ကာကွယ်ရေး အသုံးစရိတ်ကို တပ်မတော်သားတချို့ ပါဝင်တဲ့ လွှတ်တော်က သတ်မှတ်ပြဋ္ဌာန်းပေးတာ တွေ့ရပြီး ကာကွယ်ရေး အသုံးစရိတ်နဲ့ ပတ်သက်ပြီး လွှတ်တော်ထဲမှာ ကြီးကြီးကျယ်ကျယ် အငြင်းပွားကြတာမျိုး မတွေ့ပါဘူး။ နိုင်ငံတော်ကာကွယ်ရေး မဟာဗျူဟာတွေနဲ့ ပတ်သက်ပြီးတော့ လက်ရှိအစိုးရက သတ်သတ်မှတ်မှတ် ပြဋ္ဌာန်းပေးတာ၊ ပြန်လည် သုံးသပ်ပြင်ဆင်တာမျိုး မတွေ့ရဘဲ ယခင်ကတည်းက ကျင့်သုံးခဲ့တဲ့ ပြည်သူ့စစ် မဟာဗျူဟာကိုပဲ ဆက်လက်ကျင့်သုံးနေတာ တွေ့ရမှာ ဖြစ်ပါတယ်။

ဥပဒေသ အမှတ် (၂)
=============

တပ်မတော်ရဲ့ လွတ်လပ်စွာ စီမံခန့်ခွဲ ဆောင်ရွက်ပိုင်ခွင့်ကို အရပ်ဘက် ခေါင်းဆောင်တွေက အသိအမှတ်ပြု လေးစားပေးရမယ် ဆိုတာက ဥပဒေသ အမှတ် (၂) ဖြစ်ပါတယ်။ မူရင်းစာသားကတော့ “Autonomous Military Professionalism” လို့ ရေးထားတာပါ။
ဆိုလိုတာကတော့ တပ်မတော်ရဲ့ ကိစ္စအဝဝကို စီမံခန့်ခွဲ ဆောင်ရွက်တဲ့နေရာမှာ တပ်မတော် ကိုယ်တိုင် လွတ်လွတ်လပ်လပ် ကိုယ့်မူကို ချမှတ်လုပ်ဆောင်နေတာကို အသိအမှတ်ပြု လေးစားရမယ်လို့ ဆိုလိုတာပါ။ 

ဒီလိုပြောလိုက်ရင် ဥပဒေသ အမှတ်တစ်နဲ့က တစ်မျိုးပြောပြီး ဥပဒေသ အမှတ်နှစ်က တစ်မျိုး ပြောပြန်တယ်လို့ သာမန်အားဖြင့် ထင်စရာ ရှိပါတယ်။ တပ်မတော် တစ်ရပ်လုံးအနေနဲ့ လိုက်နာဆောင်ရွက်ရမယ့် မူဝါဒနဲ့ လျှောက်ရမယ့် လမ်းကြောင်းကို အရပ်ဘက်က သတ်မှတ်ပြဋ္ဌာန်းပေးရမယ်လို့ ဥပဒေသ အမှတ် (၁) က ဆိုထားတာ ဖြစ်ပြီး အဲသည် လမ်းကြောင်းပေါ်ကို လျှောက်လှမ်းနေတဲ့ တပ်မတော်ရဲ့ ကိစ္စအဝဝကို တပ်မတော်ဘာသာ လွတ်လွတ်လပ်လပ် စီမံခန့်ခွဲခွင့် ပေးရမယ်လို့ ဥပဒေသ အမှတ် (၂) က ဆိုထားတာ ဖြစ်ပါတယ်။ 

ဥပမာပြောရရင် တပ်တွေကို ဖွဲ့စည်းတာ အဆင့်တွေ သတ်မှတ်တာ တပ်မတော်ဆိုင်ရာ သဘောတရားတွေ ပြဋ္ဌာန်းတာ တပ်မတော်သားများဆိုင်ရာ အရည်အချင်းတွေ သတ်မှတ်တာ ရာထူးအဆင့် ခန့်အပ်ရေး တိုးမြှင့်ရေး ကိစ္စရပ်တွေမှာ တပ်မတော်ကို လွတ်လွတ်လပ်လပ် စီမံခန့်ခွဲခွင့် များများကြီး ပေးထားရမယ်လို့ ဆိုပါတယ်။ အရပ်ဘက်က လုံးဝ ဝင်မစွက်ဖက်ရဘူးလို့ မဆိုလိုပါဘူး။တပ်မတော် ကာကွယ်ရေးဦးစီးချုပ်နဲ့ တခြားတပ်မတော်ထိပ်ပိုင်း ခေါင်းဆောင်တွေကို ခန့်အပ်တာမျိုးကို အရပ်ဘက်က မူဝါဒ သတ်မှတ်ပြဋ္ဌာန်းပေးလို့ ရပါတယ်။ လုံးဝ ဝင်မစွက်ရဘူးလို့ ပြောတာမဟုတ်ဘဲ စီမံဆောင်ရွက်ခွင့် များများကြီး ပေးရမယ်ဆိုတာ သတိပြုစေချင်တာပါ။ 

တပ်မတော်တွေရဲ့ ရဲဘော်ရဲဘက်စိတ် ကျောရိုးဖြစ်တဲ့ ဖခင်သဖွယ်စိတ်ထား (Fatherly Spirit)၊ တပ်မှူးသဖွယ်စိတ်ထား (Commanderly Spirit)၊ ညီရင်းအစ်ကိုသဖွယ် စိတ်ထား (Brotherly Spirit) စတဲ့ သံယောဇဉ်တွေ အမိန့်နာခံမှုတွေ အသက်ပေး ချစ်ခင်မှုတွေနဲ့ ဖွဲ့စည်းထားတဲ့ အဖွဲ့အစည်း ဖြစ်တဲ့အတွက် အဆင့်တိုင်းကို အသေးစိတ် အရပ်ဘက်က လိုက်ပြီး စီမံခန့်ခွဲပေးနေမယ်ဆိုရင် တပ်မတော်ရဲ့ မူလတန်ဖိုးတွေ ယုတ်လျော့ ပျက်စီးနိုင်တဲ့အတွက် အခုလို လွတ်လပ်စွာ စီမံခွင့်တွေ များများကြီး ပေးထားဖို့လိုတာ ဖြစ်ပါတယ်။ 

မြန်မာ့တပ်မတော်နဲ့ ပတ်သက်ပြီး အခြေခံဥပဒေ ပုဒ်မ ၂၀ (ခ) မှာ “တပ်မတော်သည် တပ်ပိုင်းဆိုင်ရာ ကိစ္စအားလုံးကို လွတ်လပ်စွာ စီမံခန့်ခွဲ ဆောင်ရွက်ပိုင်ခွင့် ရှိသည်” လို့ ပြဋ္ဌာန်းထားပြီး လက်တွေ့မှာလည်း အရပ်ဘက်က တပ်မတော်ရဲ့ လွတ်လပ်စွာ စီမံခန့်ခွဲဆောင်ရွက်မှုကို ဝင်ရောက်စွက်ဖက်တာမျိုး မတွေ့ရပါဘူး။

ဥပဒေသ အမှတ် (၃)
============

အရပ်ဘက် ကျွမ်းကျင်ပညာရှင်များရဲ့ အရည်အချင်းကို မြှင့်တင်ရမယ် ဆိုတာက ဥပဒေသ အမှတ်သုံး ဖြစ်ပါတယ်။ တပ်မတော်ကို ဒီမိုကရေစီ နည်းလမ်းတကျ တန်ဖိုးရှိရှိ အသုံးဝင်စေချင်တယ် ဆိုရင် တပ်မတော်က လိုက်နာကျင့်သုံးရမယ့် မဟာဗျူဟာကို အရပ်ဘက် နိုင်ငံရေးခေါင်းဆောင်တွေက ချမှတ်ပေးရမယ်ဆိုတာ ဥပဒေသ အမှတ်တစ်မှာ ပြောထားပြီး ဖြစ်ပါတယ်။ 

အဲဒီလို တပ်မတော်လျှောက်ရမယ့် လမ်းကို သတ်မှတ်ပြဋ္ဌာန်းပေးမယ့် အရပ်ဘက် ခေါင်းဆောင်တွေက မိမိကိုယ်တိုင်လည်း အရည်အချင်း ပြည့်ဝနေဖို့ လိုအပ်ပြီး အနည်းဆုံးတော့ တပ်မတော်အကြောင်း အူမချေးခါးမကျန် သိနားလည်တဲ့ ပညာရှင်တွေရဲ့ ကျွမ်းကျင်မှု အကူအညီကိုလည်း မလွဲမသွေယူရမှာ ဖြစ်ပါတယ်။

အဲဒီ ကျွမ်းကျင်ပညာရှင် ဆိုသူတွေကလည်း သာမန်ကာလျှံကာ အပေါ်ယံသဘောလောက် သိထားရုံနဲ့ မလုံလောက်ဘဲ မိမိတပ်မတော်ရဲ့ ဖွဲ့စည်းတည်ဆောက်ပုံတွေ တပ်မတော်သားတွေရဲ့ ရာထူးအဆင့်နေရာ သတ်မှတ်ခြင်းဆိုင်ရာ စည်းမျဉ်းစည်းကမ်းတွေ တပ်မတော်သားတွေရဲ့ အရည်အချင်း အရည်အသွေး သဘောတရားနဲ့ ခံယူချက်တွေ စာရွက်ပေါ်က စွမ်းဆောင်ရည်တင် မဟုတ်ဘဲ မြေပြင် အမှန်တကယ် စွမ်းဆောင်နိုင်မှုတွေ အားသာချက်၊ အားနည်းချက်တွေ ရင်ဆိုင်နေရတတ်တဲ့ အခက်အခဲနဲ့ လုပ်ငန်းတာဝန်အပေါ် ထားရှိတဲ့ အမြင်တွေသာမကဘဲ နေ့စဉ် စားသုံးတဲ့ ရိက္ခာတွေက အမှန်တကယ် သင့်လျော်လောက်ငမှု ရှိမရှိ စစ်ဝတ်တန်ဆာနဲ့ လက်နက်ခဲယမ်းတွေနဲ့ ပတ်သက်ပြီး အဆင်ပြေချောမွေ့မှု ရှိမရှိ စတာတွေအထိ အသေးစိတ် သိရှိနေအောင် လေ့လာထားဖို့ လိုအပ်မှာ ဖြစ်ပါတယ်။ 

ကြက်ချည်ကြိုးနဲ့ ဆင်ကို ချည်လို့မရသလို ဆင်ချည်ကြိုးနဲ့လည်း ကြက်ကို ချည်လို့မရဘူးဆိုတဲ့ စကားလိုပဲ အရပ်ဘက် နိုင်ငံရေးခေါင်းဆောင် ဆိုသူတွေ ချမှတ်ပေးတဲ့ လမ်းစဉ်ဟာ တပ်မတော်ရဲ့ လက်ရှိ အခြေအနေ သဘောသဘာဝတွေနဲ့ ကိုက်ညီဖို့ လိုသလို မဖြစ်မနေ ကျင့်သုံးလိုက်နာရမယ့် မူဝါဒတွေ ချမှတ်မယ် ဆိုရင်လည်း အဲဒီမူဝါဒတွေနဲ့ ကိုက်ညီအောင် တပ်မတော်ကို ပုံသွင်းပေးဖို့ လိုအပ်မှာ ဖြစ်တဲ့အတွက် တပ်မတော်ကို ထိန်းသိမ်းကိုင်တွယ်မယ့် အရပ်ဘက် နိုင်ငံရေးခေါင်းဆောင်တွေကို ဝန်းရံထားတဲ့ ကျွမ်းကျင်ပညာရှင်တွေရဲ့ အရည်အချင်းကိုလည်း ထက်ထက်မြက်မြက် ဖြစ်အောင် မြှင့်တင်ထားဖို့ လိုအပ်တာ ဖြစ်ပါတယ်။

မြန်မာနိုင်ငံမှာ တပ်မတော်ဆိုင်ရာ ပညာရှင်အဆင့် ကျွမ်းကျင်သူတွေ ဘယ်လောက်ရှိသလဲ ဆိုတာရယ်၊ သူတို့ရဲ့ ကျွမ်းကျင်မှုအဆင့် ဘယ်လောက်အတိုင်းအတာထိ ရှိသလဲ ဆိုတာရယ်ကတော့ စာရေးသူ ကိုယ်တိုင်လည်း အဖြေသိချင်နေတဲ့ မေးခွန်းတစ်ခု ဖြစ်ပါတယ်။ တကယ်လို့ မေးခွန်းရဲ့အဖြေက ဟင့်အင်းဆိုရင်တော့ မြန်မာပြည်ရဲ့ ဒီမိုကရေစီကို ရှင်သန်ကြီးထွားအောင် ရေလောင်းပေါင်းသင် မြေတောင်မြှောက်ကြမယ့် ယနေ့ နိုင်ငံ့ခေါင်းဆောင်များ သို့မဟုတ် နိုင်ငံရေးခေါင်းဆောင်များနဲ့ အဖွဲ့အစည်းများက အဲဒီတာဝန်ကို မမေ့မလျော့ ထမ်းဆောင်ပေးကြပါလို့ ပန်ကြားလိုပါတယ်။

ဥပဒေသ အမှတ် (၄)
=============

ပြည်တွင်းလုံခြုံရေးဆိုင်ရာ စီမံခန့်ခွဲရာမှာ တပ်မတော်ရဲ့ အခန်းကဏ္ဍကို သတ်သတ်မှတ်မှတ် ပိုင်းခြားထားပါ ဆိုတာကတော့ ဥပဒေသအမှတ် (၄) ဖြစ်ပါတယ်။ နိုင်ငံတကာ တပ်မတော်တွေရဲ့ မူလတာဝန်ဟာ တိုင်းပြည်ကို ပြည်ပရန်က ကာကွယ်ပေးဖို့ အဓိကဖြစ်ပြီး ပြည်တွင်းလုံခြုံရေး တာဝန်နဲ့ ပတ်သက်ပြီး တပ်မတော်ကို တာဝန်ပေး ထမ်းဆောင်စေလေ့ မရှိပါဘူး။ 

အမိန့်နာခံပြီး အားကောင်းမောင်းသန် ယောက်ျားဘသားများသာ အလျင်အမြန် ဝင်ရောက်ကူညီပေးမှ အဆင်ပြေမယ့် ရေကြီးတာ၊ ငလျင်လှုပ်တာလို သဘာဝဘေးကယ်ဆယ်ရေး လုပ်ငန်းတွေကလွဲပြီး တပ်မတော်ကို ပြည်တွင်းလုံခြုံရေးတာဝန် ပေးအပ်မယ်ဆိုရင် သက်ဆိုင်ရာ အရပ်ဘက် အာဏာပိုင်ရဲ့ ကွပ်ကဲမှုအောက်မှာသာ တရားရုံးအမိန့်နဲ့ လုပ်ဆောင်ရတဲ့ အရပ်ဘက်လုံခြုံရေး အကူအညီပေးခြင်း (Aid to Civil Power) ဆိုတာမျိုးကိုတောင် သေချာလေ့ကျင့်ပြီးမှ အရပ်ဘက် အာဏာပိုင်ရဲ့ ညွှန်ကြားချက်အတိုင်း အတိအကျ ဆောင်ရွက်ရတာ ဖြစ်ပါတယ်။ 

ဒီလိုအကူအညီမျိုး ဆိုတာကလည်း မလွှဲမရှောင်သာမှသာ ယူသင့်တဲ့အရာ ဖြစ်ပြီး ပြည်တွင်းလုံခြုံရေး ကိစ္စရပ်တွေမှာ တပ်မတော်ရဲ့ အားကို အလွယ်တကူ ယူသုံးနေမယ်ဆိုရင် တပ်မတော်ရဲ့ စွမ်းဆောင်ရည်ကိုလည်း ထိပါးစေနိုင်တာမို့လို့ အခုလို ကန့်သတ်ထားရခြင်း ဖြစ်ပါတယ်။ အစိုးရသစ် တက်လာပြီး နောက်ပိုင်းဖြစ်ပွားတဲ့ ရုန်းရင်းဆန်ခတ် အချို့မှာ တပ်မတော်ရဲ့ အကူအညီကို အကန့်အသတ်နဲ့သာ အသုံးချခဲ့တာကို တွေ့ရပါတယ်။

ဥပဒေသ အမှတ် (၅)
============

တပ်မတော်ဆိုတာ ဒီမိုကရေစီကိုပဲ ဝန်းရံရမယ် ဆိုတာက ဥပဒေသ အမှတ် (၅) ဖြစ်ပါတယ်။ ဆိုလိုတာက ပုဂ္ဂိုလ်အဖွဲ့အစည်း တစ်ဦးတစ်ဖွဲ့ကို သစ္စာခံတာမျိုး မဟုတ်ဘဲ ဒီမိုကရေစီအရ တက်လာတဲ့ အစိုးရရဲ့ အာဘော်အတိုင်း အလုပ်လုပ်တာကို ဆိုလိုပါတယ်။ နိုင်ငံရေးမှာလည်း တပ်မတော်ဟာ ပါတီစွဲ မထားဘဲ၊ ဘယ်နိုင်ငံရေးပါတီ၊ ဘယ်နိုင်ငံရေး ခေါင်းဆောင်ကိုမှ သြဇာခံတာမျိုး ဘက်လိုက်တာမျိုး မဟုတ်ဘဲ နိုင်ငံရေးနဲ့ ပတ်သက်ရင် တပ်မတော်က ကိုယ့်လမ်းကြောင်း ကိုယ်လျှောက်ပြီး ဒီမိုကရေစီကို ကူညီပံ့ပိုးတာကို ပြောလိုခြင်း ဖြစ်ပါတယ်။ ဒီလိုမှလည်း တပ်မတော်ဟာ ခိုင်မာတဲ့ သမာသမတ် အဖွဲ့အစည်းတစ်ခုအဖြစ် နိုင်ငံရေး အရောင်အသွေးကင်းကင်း ရပ်တည်နိုင်မှာ ဖြစ်ပါတယ်။

ဥပဒေသ အမှတ် (၆)
============

ဥပဒေသ အမှတ် (၅) မှာ ပါတဲ့အတိုင်း တက်လာတဲ့အစိုးရရဲ့ အာဘော်အတိုင်း အလုပ်လုပ်တယ် ဆိုပေမယ့် ဥပဒေပြုမဏ္ဍိုင်ကလည်း အနီးကပ် လေ့လာစောင့်ကြည့်နေရမယ်လို့ ဆိုလိုပါတယ်။ တပ်မတော်ဟာ အုပ်ချုပ်ရေးအစိုးရရဲ့ အာဘော်အတိုင်း အလုပ်လုပ်ပြီး အုပ်ချုပ်ရေးမဏ္ဍိုင် တစ်ခုတည်းကို တာဝန်ခံနေရုံနဲ့ မပြီးဘဲ လွှတ်တော်ကလည်း တပ်မတော်ရဲ့ တာဝန်ထမ်းဆောင်မှုတွေနဲ့ ပတ်သက်ပြီး စောင့်ကြပ် ကြည့်ရှုလေ့လာနေရမှာ ဖြစ်ပါတယ်။

လွှတ်တော်တွေမှာ ကာကွယ်ရေးနဲ့ လုံခြုံရေးဆိုင်ရာ အမြဲတမ်းကော်မတီတွေ ဖွဲ့စည်းထားလေ့ ရှိပြီး တပ်မတော်ရဲ့ လုပ်ဆောင်မှုတွေကို ထိန်းမတ်ပေးဖို့အတွက် သာမက တပ်မတော်ရဲ့ လိုအပ်ချက်တွေကို ဖြည့်ဆည်းပေးဖို့ အတွက်ပါ အမြဲတမ်း လေ့လာစောင့်ကြည့်နေပြီး လိုအပ်ရင် တပ်မတော် ခေါင်းဆောင်များကို ခေါ်ယူကြားနာတာမျိုးတွေ လုပ်ပြီး ထိန်းကျောင်းပေးတာတွေ လုပ်လေ့ ရှိပါတယ်။ 

အခြေခံဥပဒေ ပုဒ်မ ၁၁၅ (ခ) နဲ့ ၁၄၇ (ခ) တို့မှာ “ကာကွယ်ရေးနှင့် လုံခြုံရေးဆိုင်ရာ ကိစ္စများကို လည်းကောင်း၊ တပ်မတော်ဆိုင်ရာ ကိစ္စများကို လည်းကောင်း လေ့လာတင်ပြစေရန် အကြောင်းပေါ်ပေါက်ပါက ပြည်သူ့လွှတ်တော်နဲ့ အမျိုးသားလွှတ်တော်တို့ဟာ ကာကွယ်ရေးနှင့် လုံခြုံရေးကော်မတီကို တပ်မတော်သား ကိုယ်စားလှယ်များဖြင့် ကာလသတ်မှတ်၍ ဖွဲ့စည်းရမည်။ တပ်မတော်သား မဟုတ်သော ကိုယ်စားလှယ်များကိုလည်း လိုအပ်ပါက ထည့်သွင်းဖွဲ့စည်းနိုင်သည်” လို့ ပြဋ္ဌာန်းထားတာ တွေ့ရပါတယ်။

ဥပဒေသ အမှတ် (၇)
============

တပ်မတော်ကလည်း အမိန့်နာခံဖို့ အသင့်ရှိနေရမှာ ဖြစ်ပြီး အမိန့်မနာခံသူကိုလည်း အစိုးရက အရေးယူဖို့ လိုတယ်လို့ ဥပဒေသ အမှတ် (၇) က ဆိုပါတယ်။ တပ်မတော်သားနဲ့ နိုင်ငံရေးသမားဆိုတာ နဂိုကတည်းက မတူညီတဲ့ သဘောသဘာဝ ရှိတဲ့အတွက် အယူအဆတွေလည်း ကွဲလွဲတတ်ပါတယ်။ 

ထင်ရှားတဲ့ ဥပမာပြရရင် ကိုရီးယားကျွန်းဆွယ် စစ်ပွဲကာလအတွင်းက စစ်ရေးအောင်မြင်မှုတွေ အများကြီးရနေတဲ့ ဗိုလ်ချုပ်ကြီး မက်အာသာနဲ့ အမေရိကန်သမ္မတ ထရူးမင်းတို့ဟာ တရုတ်ပြည်ဘက်ထိ ဗုံးကြဲမလား မကြဲဘူးလား ဆိုတာနဲ့ ပတ်သက်ပြီး လူသိရှင်ကြား သဘောထား ကွဲလွဲခဲ့ကြပါတယ်။ ဗိုလ်ချုပ်ကြီး မက်အာသာက လုပ်ချင်တာကို သမ္မတက သဘောမတူပါဘူး။ နောက်ဆုံး ၁၉၅၁ ခုနှစ် ဧပြီလမှာ ဗိုလ်ချုပ်ကြီး မက်အာသာကို သမ္မတက ရာထူးကနေ အနားပေးခဲ့ပါတယ်။ 

အမေရိကန်လို ဒီမိုကရေစီ နိုင်ငံကြီးမှာတောင် စစ်ဆင်ရေး သဘောတရားနဲ့ ပတ်သက်ပြီး သမ္မတနဲ့ ဗိုလ်ချုပ်ကြီးတို့ သဘောထား ကွဲလွဲခဲ့တဲ့ ထင်ရှားတဲ့သာဓက တစ်ခုဖြစ်ပါတယ်။ မြန်မာနိုင်ငံမှာတော့ လက်ရှိအစိုးရနဲ့ တပ်မတော်တို့ဟာ သဘောအယူအဆ ထပ်တူထပ်မျှ ရှိနေတယ်လို့ အစိုးရ ပြောရေးဆိုခွင့်ရှိသူတစ်ဦး မကြာသေးမီက ပြောကြားခဲ့တာ တွေ့ရပါတယ်။

ဥပဒေသ အမှတ် (၈)
============

တပ်မတော်ဆိုင်ရာ သင့်လျော်တဲ့ အကြံဉာဏ်များကို အရပ်ဘက် ခေါင်းဆောင်များကို ပေးရမယ် ဆိုတာက ဥပဒေသ အမှတ် (၈) ဖြစ်ပါ တယ်။ 

တပ်မတော်နဲ့ ပတ်သက်ပြီး ပရော်ဖက်ရှင်နယ် ဖြစ်တဲ့ တပ်မတော် ခေါင်းဆောင်တွေဟာ လိုအပ်တဲ့ ဥပမာ စစ်ရေးဆိုင်ရာ အကြံဉာဏ်နဲ့ မူဝါဒရေးရာ ထောက်ခံအကြံပြုချက်မျိုးတွေ တပ်မတော်ကို ဖြည့်ဆည်းပေးသင့်တဲ့ လိုအပ်ချက် စတဲ့ အကြံပြုချက်တွေကို အရပ်ဘက် နိုင်ငံရေး ခေါင်းဆောင်တွေကို ပေးရမယ်လို့ ဆိုလိုပါတယ်။ ဒါပေမဲ့လည်း အစိုးရကို ဟိုဟာလုပ်သင့်တယ် ဒီဟာလုပ်သင့်တယ် စတဲ့ ဝေဖန်အကြံပေးမှုမျိုးကို လူသိရှင်ကြား မလုပ်မိဖို့တော့ တပ်မတော်အနေနဲ့ သတိပြု ရှောင်ကြဉ်ရမယ်လို့ ဆိုပါတယ်။

==========================================

အခုတင်ပြခဲ့တာတွေကတော့ ဒီမိုကရေစီ အကူးအပြောင်းကို ညင်ညင်သာသာ ချောချောမွေ့မွေ့ ကူးပြောင်းတဲ့နေရာမှာ အရေးကြီးတဲ့ စစ်ဘက်-အရပ်ဘက် ဆက်ဆံရေးဆိုင်ရာ ဥပဒေသ ရှစ်ချက်ဖြစ်ပါတယ်။ 

ဒီသင်ခန်းစာကို ပို့ချခဲ့တဲ့ Professor Nigel Gould-Davies ဟာ အောက်စ်ဖို့တက္ကသိုလ်မှာ ကထိက၊ ဂျွန်ဟော့ကင်းတက္ကသိုလ်မှာ ပါမောက္ခနဲ့ အခြားတာဝန်များ ထမ်းဆောင်ခဲ့တဲ့ အင်္ဂလန်နိုင်ငံက အဆင့်မြင့် သံတမန်တစ်ဦး ဖြစ်ပါတယ်။ ရန်ကုန်တက္ကသိုလ် International Center of Excellence မှာ ၂၀၁၄ ခုနှစ် မေလ ၅ ရက်ကနေ ဇွန်လ ၁၁ ရက်အထိ Comparative Transitions to Democracy ဘာသာရပ်ကို ဆွေးနွေးပို့ချခဲ့ပါတယ်။ ပါမောက္ခရဲ့ ပို့ချချက်တွေကို မြန်မာ့နိုင်ငံရေးနဲ့ ဆီလျော်အောင် ပြန်လည်မွမ်းမံ ရေးသားထားပါတယ်။

ဗိုလ်ကောင်း

( Credit - The Voice )
အရပ်ဘက် စစ်ဘက် ဥပဒေ ရှစ်ချက်
=======================
ပရော်ဖက်ရှင်နယ် တပ်မတော်များကို ဒီမိုကရက်တစ် အရပ်ဘက် အစိုးရက ပြေပြေလည်လည် ချောချောမွေ့မွေ့ ထိန်းသိမ်းကိုင်တွယ်နိုင်ဖို့ အတွက် သေချာစေမယ့် ဥပဒေသရှစ်ချက်ကို တင်ပြလိုပါတယ်။
တင်ပြပါ ဥပဒေသများဟာ စစ်ဘက် ဒါမှမဟုတ် ဒီမိုကရက်တစ် အရပ်ဘက် စသည်ဖြင့် ဘက်တစ်ဖက်တည်းက လိုက်နာကျင့်သုံးလို့ မရဘဲ တချို့ကို စစ်ဘက်က လိုက်နာကျင့်သုံးရမှာ ဖြစ်ပြီး တချို့ကို အရပ်ဘက်က လိုက်နာကျင့်သုံးရမှာ ဖြစ်ကာ တချို့ကိုတော့ အတူတကွ ပူးပေါင်းကျင့်သုံးရမှာ ဖြစ်ကြောင်း တွေ့ရှိနိုင်ပါတယ်။
ဒါကြောင့် ပရော်ဖက်ရှင်နယ် တပ်မတော်တွေကို အရပ်ဘက် ဒီမိုကရက်တစ် အစိုးရတွေက ထိန်းသိမ်းကိုင်တွယ်မယ်ဆိုရင် နှစ်ဖက်လုံးရဲ့ ပူးပေါင်းဆောင်ရွက်မှု မရှိဘဲနဲ့ မဖြစ်နိုင်သလို အရပ်ဘက် ဒီမိုကရက်တစ်များရဲ့ အရည်အချင်းကလည်း အင်မတန် အရေးကြီးကြောင်း တွေ့ရပါတယ်။

0 comments:

Post a Comment

Because of Green (စိမ်းနေခြင်းကြောင့်သာ)


Because of Green (စိမ်းနေခြင်းကြောင့်သာ)
=============================
နာမည်ကျော် ဒရမ်မာစီးရီး ကားတစ်ခုဖြစ်တဲ့ Love Story In Harvard ဇာတ်ကားထဲ ဇာတ်ဝင်ခန်းတစ်ခုကိုမျက်စိထဲပြန်မြင်နေရတယ် ။ ဟားဗက်ဥပဒေကျောင်းရဲ့ တရားရုံးပုံစံငယ်တစ်ခုမှာ
အပြင်မှာဖြစ်ပွားခဲ့တဲ့ အမှု တွေကို အုပ်စု ၂ စုခွဲပြီး တရားလိုဘက် ၊ တရားခံ ဘက် ရှေ့နေလိုက်ကြရင်း ဥပဒေပိုင်းဆိုင်ရာတွေဆွေးနွေးငြင်းခုန်နေတာပါ ။ လူမည်းအမျိုးသမီးတစ်ယောက်က
စူပါမားကတ်မှာဈေးဝယ် ရင်း ပစ္စည်းခိုးတယ်လို့ စွတ်စွဲခံရတဲ့အတွက် ရှာဖွေခြင်းခံရပါတယ် ။ အဲဒီအတွက် အရှက်ရပြီး စိတ်ပိုင်းဆိုင်ရာထိခိုက်မှု ဖြစ်ပေါ်ခဲ့ပါတယ် ။

0 comments:

Post a Comment

ဆက်သွယ်ရေး သည်အသက်သွေးကြော


၁၉၈၄ခုနှစ်Iတပ်မ(၇၇)နည်းဗျူဟာ
စခန်းထိုင်တဲ့ရှမ်းပြည်နယ်တောင်ပိုင်းကျေးသီးမြို့မြောက်ဘက်ဝမ်ဝရွာ
ကျော်ပြီးပိန်းဆိုင်ချောင်းဖြတ်တာ
နဲ့မန်လျှိုမန်နောင်မိုင်းလာဂွင်လို့ခေါ်တဲ့တန့်ယန်းမိုင်းကောင်တောင်ဖက်
အစပ်နယ်မြေကိုရောက်ပါတယ်။

SSAစိုင်းလိတ်(ကုလား)ရဲ့မန်ပန်းရွာကြီးရှိတဲ့နယ်မြေဖြစ်ပါတယ်။ ရှမ်းမြှောက်ရမခတပ်တွေနဲ့
တောင်ပိုင်းတပ်မ(၇၇)တပ်တွေရဲ့နယ်စပ်ဖြစ်လို့
ဗကပSSAတို့အခိုင်အမာစခန်းပုန်းတွေနဲ့ခိုလှုံရာနယ်မြေဖြစ်ပါတယ်။တပ်မ(၇၇)တပ်
်တွေလည်းအမြဲမဝင်ဘဲအလစ်အငိုက်
်ဝင်လိုက်ထွက်လိုက်လုပ်တာများပါတယ်။

0 comments:

Post a Comment

အမေ့ပျောက်ခံတို့ ၏နှလုံးသား

Htet Sweoo's photo.
ဟေ့ ဟို ဖို့ ကြက်ခြင်းက ဘာဖြစ်နေတာလဲ စက်နှိုးတော့လေကွာ
ဟို---ဟိုဗိုလ်ကြီး
ဟာဒီကောင် Commander လုပ်နေပီးကြောင်တောင်တောင်နဲ့ပြော ဘာလို့ မထွက်နိုင်တာလဲ
တိုက်ယာဉ်မှူး တပ်ကြပ်လှမောင် ငြင်းမရပီမို့----
ဟိုဗိုလ်ကြီး ---ဘခွေး မရောက်သေးလို့
တောက်ခွေးမသား မူးနေပြန်ပီထင်တယ် လိုက်ရှာစမ်း------------ငါ့ဆီခေါ်လာခဲ့

0 comments:

Post a Comment

စစ်သားနဲ့ အမိန့်ပေး အမိန့်နာခံမှု





စစ်သား လို့ပြောလိုက်ရင် အမိန့်ဆိုတာနဲ့တွဲမြင် မိတတ်တယ်။ အမိန့်လို့ပြောလိုက်ရင် ရေဗူး ပေါက်တာ မလိုချင်ဘူး ရေပါတာပဲ လိုချင်တယ် ဆိုတာပါပြောကြတော့တယ်။ အရပ်သားတွေက
နား မလည်တာ မပြောနဲ့တော့ စစ်သားရင့်မကြီး ဗိုလ်ချုပ် အဆင့်လောက်တောင် စာဖတ်အား နည်းသူဆိုရင် အမိန့်သာ ပေးနေမှာ အမိန့် အကြောင်းကောင်း ကောင်းသိကြပုံမပေါ်ဘူး။

0 comments:

Post a Comment

မိခင်တို့ဧ။်နှလုံးသား

Khin Mg Thant's photo.
(၁၉၈၅လာက်က ကရင်ပြည်နယ်စစ်ဆင်ရေးဝင်နေတုံးပေါ့
ကျနော့တပ်က ရဲဘော်လေးတယောက် တိုက်ပွဲဖြစ်ရင်းလူစုကွဲသွားတယ်
နှစ်ရက်လောက်မှာ ပြန်ရောက်လာတယ်
အမိုကြီးတယောက်ကပြန်လာပို့တာ
အဲသည် အမိုးကြီးသားက ကေအင်ယူထဲမှာတဲ့
အဲသည်အဖြစ်လေးကိုခံစားပြီး၁၉၉၆ တပ်စုမှုးသင်တန်းတက်တော့ ၀တ်ထုလေးတပုဒ်ရေးမိတယ်
အခု ငြိမ်းချမ်းရေးမြော်လင့်ချက်တွေ ကရင်ပြည်နယ်မှာသန်းလာလေတော့
အမိုးကြီးကိုသတိရတယ်
တစုံတရာငြိမ်းချမ်းရေးအတွက်အထောက်အကူဖြစ်လိုဖြစ်ငြား ကျနော်မြင်ခဲ့ရတံ မိခင်တို့ရဲ့နှလုံးသားကို တစွန်းတစပြလိုက်ပါရစေ)

အခန်း(၁)

အဝေးမှတောခွေးအူသံသဲ့သဲ့ကြားရသည်၊လရောင်အောက်တွင်တောင်ယာတဲကလေးကိုပြတ်ပြတ်ထင်ထင်မြင်နေရပြီ၊သည်တဲအတွင်းမှာကျနော်တို့အလိုရှိသူတဦးရှိနေသည်၊သူ့အမည်က ထောလှ၊ ကေအင်ယူနယ်မြေတာဝန်ခံ ဖဒိုထောလှဖြစ်သည်၊ကျန်ခဲ့သည့်နှစ့်င်္ရက်က ကျနော့တပ်စုနှင့်ဆက်ကြေးကောက်ထွက်လာသော ထောလှတို့အဖွဲ့ ထိတွေ့တိုက်ပွဲဖြစ်ပွားခဲ့သည်၊ ထောလှတို့အဖွဲ့မှ လူလက်နက်များ ကျနော်တို့သိမ်းပိုက်ရမိခဲ့သည်၊ထောလှကိုယ်တိုင်လည်း ဒဏ်ရာအပြင်းအထန်ရပြီးလက်နက်မဲ့ထွက်ပြေးသွားခဲ့သည်၊

0 comments:

Post a Comment

လူကိုပြောင်းနိုင်ပေမဲ့ Principle ကိုမပြောင်းနိုင်

Lay Lwin's photo.
အပိုင်း (၂၁)

လူကိုပြောင်းနိုင်ပေမဲ့ Principle ကိုမပြောင်းနိုင်။

ကျနော် ကွန်မြူနစ်မဟုတ်သလို ဆိုရှယ်လစ်လည်းမဟုတ်၊ နိုင်ငံရေးသမားလည်းမ ဟုတ်ပါ။ သို့ပေတဲ့ - ဟိုးအရင်ကနေ၊ အခုထိ လျှော့ဆင်းမသွားတဲ့ ဆင်းရဲနိမ့်ကျ လူ တန်းစားတွေများပြားလာတာကို မြင်ရတိုင်း စိတ်မသက်သာခံစားရပါတယ်။ ဒါက လည်း -တောမှာမွေးခဲ့တဲ့တောသားတယောက်မို့ဖြစ်နိုင်ပါတယ်။ထားပါတော့။

0 comments:

Post a Comment

ယူတတ်သူ



(ဇေယျသူ)

ပညာရေးတွင် များသောအားဖြင့် ပေးသောသူဘက်ကိုသာ ကြည့်တတ်ပြီး ယူသောသူဘက်သို့ ကြည့်ရန် မေ့လျော့နေတတ်သည်။ အမှန်တကယ်တွင် ယနေ့ ပညာရေး ပြုပြင်ပြောင်းလဲရာတွင် ပေးသူကို သာမက ယူသူ (ကျောင်းသား၊ သင်ယူလိုစိတ်၊ ပညာရေးယဉ်ကျေးမှု စသည်) ကိုပါ ပြောင်းလဲရန် လိုသည်။

0 comments:

Post a Comment

ဆီအိုးကြီးဘယ်မှာလည်း



(ဤဆောင်းပါးသည် ရှေ့အပတ် The messenger ဂျာနယ်တွင် ပါဝင်မည့် ဆောင်းပါးတစ်ပုဒ်ဖြစ်သော်လည်း ကြိုတင်ဖတ်ရှုနိုင်ရန် ရေးသားတင်ပြလိုက်ရပါသည်)



                                                              ဆီအိုးကြီးဘယ်မှာလည်း


 ကျွန်တော်မြိတ် ကိုရောက်တော့ လေယာဉ်ကွင်းမှာ မိုးတွေရွာနေသည်။ သွားသည့်ကိစ္စက သတ္တုကဏ္ဍဖွံ့ဖြိုးတိုးတက်ရေးအတွက် သွားခြင်းဖြစ်ပါသည်။ သတ္တုကဏ္ဍနှင့် ပတ်သတ်၍ သီးခြားဆောင်းပါးရေးသားဖော်ပြပါဦးမည်။ မြိတ်သင်္ဘောဆိပ်ကိုရောက်တော့ ကမ်းနားလမ်းမှာ ခန့်ညားထည်ဝါသော ဆိုင်းဘုတ်ကြီးတစ်ခု တွေ့သည်။

0 comments:

Post a Comment

အမည်သညာခေါ်စရာကား ''မုန်း'


ဆရာတက္ကသိုလ်ဘုန်းနိုင်၏ ဝတ္ထု ခေါင်းစဉ်ကို ယူသုံးလိုက်မိသည်။ ခွင့်လွှတ်ရန် တောင်းပန်ပါသည်။ အကြောင်းအရာကတော့ တခြားစီဖြစ်လိမ့်မည်။ ဆရာ့ ဝတ္ထုထဲကလို ဆွတ်ပျံ့ကြည်နူးလွမ်းမောဖွယ်ရာများ မပါ၊ ကြေကွဲစရာများသာ ဖုံးလွှမ်းလျက်ရှိခြိမ့်မည်။

0 comments:

Post a Comment

ပြည်ထောင်စုစိတ်ဓာတ်ဆိုတာ ...



ပြည်ထောင်စုစိတ်ဓါတ်လို့ဆိုလိုက်တာနဲ့ လူတွေပြေးမြင်တာက ရုပ်မြင်သံကြားတွေမှာ တိုင်းရင်းသားဝတ်စုံတွေဝတ်ပြီးကနေတဲ့ အစိုးရရဲ့ ၀ါဒဖြန့် ပေါ်လစီတစ်ခုပါထင်တတ် ကြတယ။် မြန်မာပြည်မငြိမ်းချမ်းတာဟာတကယ်တော့ပြည်ထောင်စုစိတ်ဓါတ်ရဲ့ အဓိပ္ပါယ် အနှစ်သာရကို မသိရှိမလိုက်နာမလေ့ကျင့်ကြလို့ပါပဲ ။

0 comments:

Post a Comment

ငြိမ်းချမ်းရေး အလှမ်းဝေးကြပြီလား ….?

၁.၁၀.၂၀၁၄ ရက်နေ့ တွင် ….
အမှတ် ( ၁၁ ) ခြေမြန်တပ်မ လက်အောက်ခံ …
ရှေ့ တန်းအမှတ် ( ၂၁၄ ) ခြေမြန်တပ်ရင်းမှ …
တပ်အချိန်းအပြောင်း ပြုလုပ်ရန် လာရောက်သော ….
တပ်ခွဲတစ်ခွဲ အင်အား ၅၀ ခန့် အား ….
 ရှမ်းပြည်နယ်၊ ကျေးသီးမြို့နယ်ရှိ ....
တာဖာဆောင်တံတား အနီးတွင် ….
SSA (SSPP/SSA) ( ၀မ်ဟိုင်း အဖွဲ့) မှ အင်အား ၂၀၀ ခန့် က …
စောင့်ဆိုင်း ခြုံခို တိုက်ခိုက် ခဲ့သည် ….

တိုက်ခိုက်မှုကြောင့် …
ရတ ခမရ (၂၁၄) မှ တပ်ခွဲမှူး ….
ဗိုလ်ကြီး အောင်ကိုဦး (စစ်တက္ကသိုလ် အပတ်စဉ် ၅၀) နှင့် …
စစ်သည် ၄ဦး ကျဆုံး သွားခဲ့သည် …..

သို့ ဖြစ်သည့်အတွက် …
နယ်မြေတွင်းရှိ တပ်မတော် စစ်ကြောင်းများမှ …
တိုက်ပွဲ ဖြစ်ပွားသော နယ်မြေအား ရှင်းလင်းခဲ့ပြီး ….
တာဖာဆောင်တံတားရှိ ၀မ်ဟိုင်းတပ်စခန်းအား …
၃.၁၀.၂၀၁၄ ရက်နေ့ နံနက် ၁၀ နာရီခွဲခန့် တွင် …
တိုက်ခိုက် သိမ်းပိုက်ခဲ့သည် ….

ငြိမ်းချမ်းရေး ငြိမ်းချမ်းရေး ဟုဆိုနေသော်လည်း …
အလှမ်းဝေးနေရသည့် ငြိမ်းချမ်းရေးကြောင့် …
ဤ ဆောင်းပါးကို ကျွန်တော်ရေးပါသည် …

ညီလေး အောင်ကိုဦး ကောင်းရာသုဂတိလားပါစေ ….. ။   ။

======================================

ငြိမ်းချမ်းရေး အလှမ်းဝေးကြပြီလား ….?
=========================

ယနေ့ မြန်မာ့ ပြည်တွင်းစစ် ....
တာရှည်နေရသော အကြောင်း ( ၄ ) ချက်ရှိသည် …

၁။ လက်နက်ကိုင် အဖွဲ့ များ များပြားလွန်းခြင်း 
၂။ ပြည်ပ စွက်ဖက်ထောက်ခံမှု 
၃။ လူမျိုးရေး ခွဲခြားမှု နှင့် မညီမျှမှု 
၎။ ကိုယ်ကျိုးစီးပွားများ ဟူ ၍ ဖြစ်သည် ။ 

၁။ လက်နက်ကိုင် အဖွဲ့ များပြားလွန်းခြင်း 
=======================
လက်နက်ကိုင်အဖွဲ့များကို နှစ်မျိုး ခွဲခြားနိူင်သည် …
အစိုးရဖက်ခြမ်းတွင် ....
နယ်ခြားစောင့်တပ် နှင့် ပြည်သူ့ စစ်အဖွဲ့များ ပါဝင်ပြီး…
အခြားတစ်ဖက်တွင် ...
အပစ်အခတ်ရပ်စဲထားသော အဖွဲ့ များနှင့် …
လက်ရှိ စစ်ဖြစ်နေသော အဖွဲ့များ ရှိသည် …

ရှမ်းပြည်နယ် တစ်ခုတည်းအတွင်း ၌ပင် …
လက်နက်ကိုင် အဖွဲ့  ပေါင်း ၄၀ နီးပါးခန့် ရှိသည် …
အဖွဲ့တစ်ခုနှင့် တစ်ခုတို့ ၏ ....
လိုလားချက် ၊ အယူအဆများ မတူညီကြ ....

တစ်ခါ ထိုအဖွဲ့တစ်ဖွဲ့ချင်း အတွင်း ၌ပင် …
တပ်မတော် ကဲ့သို့  အောက်ခြေတပ်များကို …
နိူင်နင်းစွာ ထိန်းသိမ်းအုပ်ချုပ်နိူင်ခြင်း မရှိ …
ဗဟိုက ပေးသော အမိန့် ကို အောက်မှ …
နာခံချင်မှ နာခံသည် …..
( ထို ပြသနာကို တိုက်ဂါး ဖြစ်စဉ်တွင် ...
အထင်အရှားတွေ့ နိူင်သည် …. )

လိုလားချက်ပေါင်းများစွာ ဖြစ်နေပြီး ….
တစ်ဖွဲ့နှင့်တစ်ဖွဲ့တောင်းဆိုချက်များ …
ဆန့် ကျင်ဘက် ဖြစ်နေသော ကိစ္စမျိုးလည်း ရှိသည် …
( ဥပမာ - ၀က ရှမ်းပြည်မှ ခွဲထွက်ပြီး ....
သီးခြား ပြည်နယ်တောင်းသော ကိစ္စ )

ထိုကိစ္စသည် ….
တစ်ပြည်လုံး အပစ်အခတ်ရပ်စဲရေးနှင့် နိူင်ငံရေးဆွေးနွေးမှုကို …
ကြီးစွာ အနှောက်အယှက်ပေးသည် …

၂ ။ ပြည်ပ စွက်ဖက်ထောက်ခံမှု 
====================
မြန်မာပြည်သည် …
တရုတ်၊ အိန္ဒိယ ၊ ဘင်္ဂလားဒေ့ရှ် ၊ ယိုးဒယား ၊လော နိူင်ငံများနှင့် …
နယ်နိမိတ် ထိစပ်သည် ….
၎င်း နိူင်ငံများ အနက်မှ …
တရုတ် နှင့် ယိုးဒယား နိူင်ငံတို့ သည် …
မြန်မာပြည်တွင်းရှိ လက်နက်ကိုင် အုပ်စုများအား …
အကြီးအကျယ် ထောက်ပံ့ပေးခဲ့သော နိူင်ငံများ ဖြစ်သည် …

အနောက်အုပ်စု၏ …
နိူင်ငံရေး အရ အားပေးထောက်ခံမှုကိုလည်း …
ပြည်တွင်းရှိ လက်နက်ကိုင် အဖွဲ့တစ်ချို့ မှ ရရှိထားသည် …

ပြည်တွင်းစစ်တွင် ပြည်ပနိူင်ငံတစ်ခုခုက ….
စွက်ဖက်ထောက်ခံနေသရွေ့ …
စစ် ဘယ်တော့မှ အဆုံးသတ်သည် မရှိ ….

၃။ လူမျိုးရေး ခွဲခြားမှု နှင့် မညီမျှမှု 
======================

အဓိကအားဖြင့် လူနည်းစု တိုင်းရင်းသားများက ...
ပိုပြီး လူမျိုးရေးခွဲသည် ….
အတိတ်သမိုင်း၏ မညီမျှမှု တစ်ချို့ကြောင့်လည်း ...
ဖြစ်ကောင်းဖြစ်မည် …

အွန်လိုင်းပေါ်တွင် တွေ့ ရသော ...
အချို့တိုင်းရင်းသားတို့ တောင် …
အတော် အစွန်းရောက်သည်ကို တွေ့ ရလျှင် …
တောထဲ တောင်ထဲမှ တိုင်းရင်းသားများအား …
မည်မျှ လူမျိုးရေး အမုန်းတရားစိတ် ရိုက်သွင်းခံရနိူင်မည်ကို …
ခန့် မှန်း ချင့်တွက်နိူင်သည် …

လက်ရှိအခြေအနေတွင် …
ဖက်ဒရယ် နိူင်ငံရေးစနစ်ကို အကျေအလည် ဆွေးနွေးကာ….
တိုင်းရင်းသားတို့ ၏ ....
စစ်မှန် သဘာဝကျသော တောင်းဆိုချက်များကို …
လိုက်လျောလိုက်ဖို့  အချိန်တန်ပြီ ….

ဒီအချက် မကျေလည်သရွေ့ …
ဘယ်တော့မှ ငြိမ်းချမ်းမှု မရနိူင် ….

၎။ ကိုယ်ကျိုးစီးပွားများ 
==============
အထူးသဖြင့် တိုင်းရင်းသား လက်နက်ကိုင်တပ်များသည် ….
၎င်းတို့ ၏ ဒေသအလိုက် တပ်မှူးများအား ….
လုံးဝ ချုပ်ထိန်းနိူင်စွမ်း မရှိ ….

လက်ရှိအနေအထားတွင် ….
ထိုတပ်မှူး အများအပြားသည် …
မူးယစ်ဆေးဝါး ၊ လက်နက်မှောင်ခို အပါအ၀င် …
အခြား ဥပဒေမဲ့လုပ်ငန်း အများအပြားမှ …
အကျိုးအမြတ် ရရှိနေသည် ….

၎င်းတို့ အနေဖြင့် …
ယခု လက်ရှိအခြေအနေကိုသာ လိုလားသည် …
ငြိမ်းချမ်းရေး ရယူပြီးနောက် …
ပြောင်းလဲသွားမည့် အခြေအနေမျိုးကို မလိုလား …
ထိုအခါ ငြိမ်းချမ်းရေး ဖြစ်စဉ်ကို …
ရသလောက် ကန့် လန့် တိုက်ကြသည် ….

ထိုအချက်သည်လည်း …
ငြိမ်းချမ်းရေး နှောင့်နှေးကြန့် ကြာနေရသော ....
အကြောင်းများထဲတွင် တစ်ချက် အပါအ၀င်ဖြစ်သည် …..

သုံးသပ်ချက် 
=========
တစ်ပြည်လုံး အပစ်အခတ်ရပ်စဲရေး သည် ….
ဖြစ်လာဖို့  အတော်ခက်ခဲနေသည့်  ...
အရိပ်အယောင်များတွေ့ ရသည် …

ထို့ အတွက် နည်းလမ်းက တစ်ခုသာရှိသည် …
သဘောတူညီချက် မရသော အဖွဲ့များကို ထားခဲ့ပြီး …
လက်ရှိ အစိုးရ နှင့် ဆက်ဆံရေးကောင်းမွန်သော အဖွဲ့ များနှင့် …
တရားဝင် အပစ်အခတ်ရပ်စဲရေး စာချုပ် ချုပ်ဆိုပြီး …
နိူင်ငံရေး ဆက်လက်ဆွေးနွေးရန်သာ ဖြစ်သည် ….

မည်သို့ ပင်ဖြစ်စေ …
ပြည်နယ်များအား ….
အာဏာနှင့် သယံဇာတအရင်းအမြစ်များ စီမံခန့် ခွဲ ခွင့် ကိုတော့ …
ပေးကို ပေးရမည် ဖြစ်သည် …
မည်သည့် အတိုင်းအတာအထိ ခွဲဝေပေးမလဲကိုသာ ....
ဆက်လက်ဆွေးနွေး ညှိနိူင်းရမည် …

ညှိနိူင်း သဘောတူညီမှုများကို …
လွှတ်တော်မှ အတည်ပြုပေးရမည် …

ထို အဆင့်အထိရောက်ရန် …
အစိုးရ တစ်ဆက်နှစ်ဆက်လောက် …
ကြာချင်လဲ ကြာနိူင်သည် ….

ပြည်နယ်တစ်ခု နှင့် တစ်ခု အခွင့်အရေးသည် …
တန်းတူဖြစ်ရမည် ဖြစ်သည် …
သို့ ဖြစ်သည့် အတွက် …
အဓိက လက်နက်ကိုင်အဖွဲ့ ကြီး လေးငါးဖွဲ့နှင့် …..
နိူင်ငံရေး သဘောတူညီချက်များရလျှင် …
ကျန်ပြည်နယ်များလဲ ထိုသဘောတူညီချက်ပါ …
အခွင့်အရေးများကို ရရှိမည်သာ ဖြစ်သည် …

အထက်ပါ ဖြစ်စဉ်များအား ….
အဆင့်ဆင့် ညှိနိူင်းဆောင်ရွက်နေစဉ်အတွင်း …
သဘောမတူညီသော အဖွဲ့ များမှ …
တိုက်ကွက်ဖော် ကဖျက်ကယက် လုပ်ကြမည်မှာ …
သေချာသလောက်ဖြစ်သည် …

၎င်းတို့ ၏ လုပ်ရပ်များအား …
တပ်မတော်မှ ရင်ဆိုင်ထိန်းချုပ် ဟန့် တားထားရမည် …

မည်သို့ မှ အချိုပေးမရ အချဉ်ပေးမရ အဖွဲ့ များအား …
တပ်မတော်မှ အမြစ်ပြတ် ချေမှုန်းပြစ်ရမည် …

( အမှန်ကတော့ တပ်မတော် အနေဖြင့် …
လက်နက်ကိုင်အဖွဲ့ သောင်းခြောက်ထောင်အား …
တစ်ညီတစ်ညွှတ်တည်းဖြစ်အောင် …
မည်သို့ မှ ညှိနိူင်း ၍ ရနိူင်မည် မဟုတ်သည်ကို …
နဂိုတည်းက ရိပ်စားမိဟန်တူသည် …

ထိုကြောင့်လည်း  …
အနှစ် ၂၀ ကျော် နာမည်အပျက်ခံကာ …
အခြားကဏ္ဍများထက် …
တပ်မတော်ကို ဦးစားပေး တည်ဆောက်ခဲ့ခြင်း …
ဖြစ်ဟန် ရှိသည် … )

အဓိက လက်နက်ကိုင်အဖွဲ့ ကြီး လေးငါးဖွဲ့နှင့် …..
နိူင်ငံရေး သဘောတူညီချက်များရရှိပြီးလျှင် …
ပြည်နယ် အားလုံးတွင် …
ထိုသဘောတူညီချက်အတိုင်း …
အာဏာနှင့် သယံဇာတအရင်းအမြစ် ခွဲဝေမှုများကို …
လွှတ်တော်မှ အခြေခံဥပဒေတွင် ...
ထည့်သွင်း ပြဋ္ဌာန်းပေးရမည် …

လက်မခံသော လက်နက်ကိုင်အဖွဲ့ များအားလုံးကို …
ပြည်နယ်တွင်းရှိ လက်ခံသော အခြားလက်နက်ကိုင်အဖွဲ့ များနှင့် …
တပ်မတော် တို့ ပူးပေါင်းပြီး …
အမြစ်ပြတ် ချေမှုန်းပြစ်ရမည် ဖြစ်သည် … 

သို့ မှသာ ငြိမ်းချမ်းရေးကို ရရှိနိူင်တော့မည် ...
အခြား နည်းလမ်းကား မရှိတော့လေပြီ  ....   ။   ။

( ရဲမိုး )

( Photo - ဗိုလ်ကြီး အောင်ကိုဦး ၊ DSA ( 50 ) Intake ၊ ကျဆုံး )

( Photo - ဗိုလ်ကြီး အောင်ကိုဦး ၊ DSA ( 50 ) Intake ၊ ကျဆုံး )

၁.၁၀.၂၀၁၄ ရက်နေ့ တွင် ….
အမှတ် ( ၁၁ ) ခြေမြန်တပ်မ လက်အောက်ခံ …
ရှေ့ တန်းအမှတ် ( ၂၁၄ ) ခြေမြန်တပ်ရင်းမှ …
တပ်အချိန်းအပြောင်း ပြုလုပ်ရန် လာရောက်သော ….
တပ်ခွဲတစ်ခွဲ အင်အား ၅၀ ခန့် အား ….
ရှမ်းပြည်နယ်၊ ကျေးသီးမြို့နယ်ရှိ ....
တာဖာဆောင်တံတား အနီးတွင် ….
SSA (SSPP/SSA) ( ၀မ်ဟိုင်း အဖွဲ့ ) မှ အင်အား ၂၀၀ ခန့် က …
စောင့်ဆိုင်း ခြုံခို တိုက်ခိုက် ခဲ့သည် ….

0 comments:

Post a Comment

တည်ဆောက်ရမယ့် နိုင်ငံတော်သစ်

ဒီမိုကရေစီဆိုတာ လိုတရမီးခွက်တစ်ခုမဟုတ်သလို အိပ်မက်မက်နေရုံနဲ့ ပိုင်ဆိုင်နိုင်မှာမဟုတ်ကြောင်းသိစေလိုတဲ့ရည်ရွယ်ချက်နဲ့ရေးထားတဲ့ ကျနော့်ဆောင်းပါးကို 7Day သတင်းစာမှာ ပြီးခဲ့တဲ့လ ၂၉ ရက်နေ့ကဖော်ပြခဲ့ပါတယ်။

တည်ဆောက်ရမယ့် နိုင်ငံတော်သစ်  (7Day Dialy)
ဆယ်စုနှစ်ပေါင်းများစွာ မှားယွင်းတဲ့နိုင်ငံရေးစနစ်အောက်မှာ နေထိုင်ခဲ့ရတဲ့ ကျွန်တော်တို့တွေမှာ အတွေးအခေါ်စံနှူန်းတွေနဲ့ အမူအကျင့်ပိုင်းမှာ အတော်လေးနိမ့်ပါးနေတယ်။အခု ကျွန်တော်တို့က မြန်မာနိုင်ငံတော်သစ်ကို တည်ဆောက်မယ် ကြွေးကြော်နေကြတယ်။ဒါပေမဲ့ကျွန်တော်တို့ရဲ့ အတွေးအခေါ်စံနှူန်းတွေနဲ့ အမူအကျင့်တွေ မ ပြောင်းလဲဘဲ မြန်မာနိုင်ငံတော်သစ်ကို တည်ဆောက်နိုင်မယ် လို့ မိတ်ဆွေ ယုံကြည်ပါသလား။ကျွန်တော်ကတော့ မယုံကြည်ဘူးလို့ အခိုင်အမာပြောချင်တယ်။အများစုက ဒီမိုကရေစီကို လိုတရ မီးခွက်တစ်ခွက်လို့ အထင်မှားနေကြတယ်။တကယ်တော့ ဒီမိုကရေစီဆိုတာ နိုင်ငံရေးစနစ်တစ်ခုပါပဲ။နိုင်ငံရေးစနစ်ဆိုတာဟာ နိုင်ငံတော် တည်ဆောက်ရေးရဲ့ အစိတ်အပိုင်းတစ်ခုပဲ။ ကျွန်တော်တို့ဟာ နိုင်ငံရေးစနစ်ကို တည်ဆောက်ရင်း အတွေးအခေါ်နဲ့အမူအကျင့်တွေကိုပါ တည်ဆောက်ဖို့ လိုအပ်နေတယ်ဆိုတာကို သိမြင် နားလည်ဖို့အချိန်ရောက်နေပါပြီ။မြန်မာနိုင်ငံတော်သစ်ဟာ အိမ်မက် မက်နေရုံနဲ့ ကျွန်တော်တို့ရှေ့ကို ရောက်မလာနိုင်ပါဘူး။

ဒါပေမဲ့ ကျွန်တော်တို့ မျော်လင့်ချက်ကြီးကြီးမားမားထားဖို့လိုအပ်သလို ကြီးကျယ်ခမ်းနားတဲ့ အိမ်မက်တွေကို မက်ရဲ ရပါမယ်။မဖြစ်နိုင်ဘူးဆိုတဲ့အတွေးကို ဖယ်ထုတ်ထားလိုက်ကြရအောင်။စင်ကာပူနိုင်ငံလွတ်လပ်ရေး ရကာစမှာ စင်ကာပူနိုင်ငံသားတွေက လမ်းပေါ်မှာ နွားတွေကျောင်းတဲ့ အ ကျင့်ကို မဖျာက်နိုင် ကြသေးဘူး။အထပ်မြင့်တိုက်တွေမှာ ဝက်တွေမွေးခဲ့ကြတယ်။လက်ရှိမှာ ကျွန်တော်တို့နိုင်ငံဟာ အဲ့ဒီလောက် အခြေမနေဆိုးမနေပါဘူး။ဒါပေမဲ့ ညစ်ပေ နေတဲ့လမ်းမတွေနဲ့ ကွမ်းတံတွေးတွေပေကျံနေတဲ့ အဆောက်အဦးနံရံတွေဟာ ကျွန်တော်တို့ရဲ့ နိမ့်ကျနေတဲ့ အမူအကျင့်တွေကိုပြသနေတယ်။မီးနီးတဲ့အချိန်မှာ ကားဖြတ်မောင်းသူတွေနဲ့ လူကူးမျဉ်းကျားကနေ လမ်းကူးလေ့မရှိတဲ့ အမူအကျင့်တွေက သိပ်ကိုဆိုးဝါးတယ်။စည်းကမ်းတွေပျက်နေတယ်ဆိုတာ ထင် ရှားပါတယ်။အခွက့်ထူးခံလူတန်းစားတွေက စည်းကမ်းကို ဂုဏ်။ ငွေ အရှိန်အဝါသုံးပြီး ချိုးဖောက်နေကြသလို အခြေခံလူတန်းစားတွေမှာလည်း အ တွေးအခေါ်စံနှူန်းတွေ နိမ့်ကျနေတယ်။ဒါဟာ နိုင် ငံအတွက်တော့ သိပ်ကို ကြီးမားတဲ့ပြဿနာတစ်ရပ်ပါပဲ။အတွေးအခေါ်စံနှူန်းနိမ့်ကျလာခြင်းနဲ့အတူ အကျင့်ပျက်ခြစားမှူ များပြားနေခြင်းက ကျွန်တော်တို့လူ့အဖွဲ့အစည်းအတွက် အင်မတန်စိုးရိမ်စရာ ကောင်းနေသလို အလျင်အမြန်ပြုပြင်ဖို့ အရေးတကြီးလိုအပ်နေတဲ့အရာတစ်ခုလည်း ဖြစ်ပါတယ်။

နိုင်ငံရေးစနစ်သစ်ကို တည်ဆောက်နေချိန်မှာ နိုင်ငံသားတွေရဲ့တွေးခေါ်မှူစံနှူန်းနဲ့အမူအကျင့်တွေကို ပြောင်းလဲမပစ်နိုင်ရင် ကျွန်တော်တို့ဟာ ခြစားပြီးဆွေးမြေ့နေတဲ့သစ်တိုင် တွေနဲ့ အိမ်တစ်လုံးကို ဆောက်နေသလိုပါပဲ။မြန်မာနိုင်ငံတော်သစ်ကို ခြစားပြီးဆွေးမြေ့နေတဲ့ သစ်တိုင်တွေနဲ့ တည်ဆောက်ဖို့ မဖြစ်နိုင်ပါဘူး။ဒီတော့ ကျွန်တော်တို့ပြည်သူတွေဘက်ကလည်း အတွေးအခေါ်နဲ့အမူအကျင့်လေးတွေ ပြောင်းလဲကြရအောင်ဗျာ။ပထမဆုံးအောက်က မေးခွန်းလေးတွေကို ဖြေကြည့်ကြရအောင်..

မေးခွန်း (၁)

သင်ဟာ ယာဉ်ထိန်းရဲတစ်ယောက်ဆိုပါတော့။ အရှိန်ပြင်းစွာ မောင်းနှင်လာတဲ့ ဇိမ်ခံကားတစ်စင်းကို ယာဉ်စည်းကမ်း ဖောက်ဖျက်မှူနဲ့ ရပ်ခိုင်းတဲ့အခါ ကားအတွင်း က နေ ငွေစက္ကူတစ်ထပ်ကို ပေးဖို့  ဟန်ပြင် လာတဲ့အခါ.........

သင် ဘာလုပ်မလဲ.....

မေးခွန်း (၂)

သန့်ရှင်းပြီး လူသူရှင်းနေတဲ့ လမ်းမထက်မှာ သင် လမ်းလျောက်နေတဲ့အခိုက် လက်ထဲက အမှိူက်ကို ပစ်မိလိုက်တဲ့အခါ.....

သင် ဘာလုပ်မလဲ.....

မေးခွန်း (၃)

စာမေးပွဲခန်းထဲမှာ စာ မရလို့ စိတ်ညစ်နေတဲ့အချိန် ဘေးက သူငယ်ချင်းဆီက အ ဖြေလွှာကို ကူးယူဖို့ အကူအညီတောင်းလိုက်တဲ့ အတွက် သူငယ်ချင်းက သင့်ဆီ အ ဖြေလွှာကို အသာလေးလှမ်း ပေးလိုက်တဲ့အခါ....

သင် ဘာလုပ်မလဲ.....

မေးခွန်း (၄)

ဌာနတစ်ခုကို အလုပ်ကိစ္စနဲ့ ရောက်သွားတဲ့အခါ ဝန်ထမ်းက အချိန်မြန်မြန် ပြီးချင် ရင် ငွေပေးရမယ် ။ ပုံမှန်အတိုင်းဆိုရင် အချိန်ကြာလိမ့်မယ် လို့ သင့်ကို ပြောတဲ့အခါ

သင် ဘာလုပ်မလဲ....

မေးခွန်း (၅)

သင့် မိဘ က ရာထုးဂုဏ် ရှိန် ကြီးမားတဲ့သူတစ်ယောက်  ဒါမှမဟုတ် သင့်မိဘက ငွေကြေးအင်မတန် ချမ်းသာသူတစ်ယောက် ဆိုပါတော့။အခမ်းအနားတစ်ခုကို တက်တဲ့အခါ လုံခြုံရေးဂိတ်မှာ အစစ်ခံဖို့ လုံခြုံရေးက ပြောတဲ့အခါ....

သင် ဘာလုပ်မလဲ....

အထက်ပါမေးခွန်း ငါးခုကို လူကြားကောင်းအောင် ဒါမှမဟုတ် လူ အထင် ကြီးအောင် မဟုတ်ဘဲ ရိုးရိုးသားသားနဲ့ စိတ်ထဲက ဖြေကြည့်ကြရအောင် ဗျာ။ကျွန်တော်တို့ရဲ့ အ ဖြေဟာ လက်တွေ့နဲ့ ထပ်တူကျတဲ့အ ဖြေဖြစ်သင့်ပါတယ်။မိတ်ဆွေဟာ ကိုယ့်ကိုယ်ကို တော့ လိမ်ညာလေ့ရှိမယ် ကျွန်တော်မထင်ပါဘူး။ဒါကြောင့် ဒီမေးခွန်းတွေကို စိတ်ထဲကနေ ရိုးရိုးသားဖြေကြည့်ပါ။ပြီးရင် ပြုပြင်ဖို့လိုအပ်နေတာတွေကို ခံစားမိအောင် ကြိုးစားပါ။ဒီမေးခွန်းတွေက အန္ဒိယ မှတ်တမ်းရုပ်ရှင် တစ်ခုကို ကြည့်ရင်းက စဉ်းစားမိတဲ့ မေးခွန်းတွေပါ။ဒီနေ့တိုင်းပြည်မှာအရေးကြီးနေတဲ့ မေးခွန်းက"ကျွန်တော်တို့ ဘာလုပ်ကြမလဲ" ဆိုတဲ့ မေးခွန်းပါပဲ။

မေးခွန်းတွေရဲ့အဖြေမှန်ကို မိတ်ဆွေသိပါတယ်။ လက်တွေ့မှာ ကျင့်သုံး မသုံးဆိုတာကို လည်း မိတ်ဆွေကိုယ်တိုင် ပဲ အသိဆုံးဖြစ်မှာပါ။မေးခွန်းတွေရဲ့ အ အ ဖြေဟာ မိတ်ဆွရဲ့အဆင့်အတန်း ။ မိတ်ဆွေရဲ့ တန်ဖိုးကို ဖော်ပြနေမှာပါ။

မေးခွန်း(၁)မှာဆိုရင် ဝန်ထမ်းအများစုဟာ လာဘ်ထိုးလာတဲ့အခါ လာဘ်အပေါ်မှာ သာယာပြီး စည်းကမ်းဖောက်ဖျက်မှူကို လျစ်လျူရှူပေးတတ်ကြတယ်။တခြားဝန်ထမ်းတွေလည်း ဒီလိုလုပ်နေတာပဲဆိုတဲ့ အတွေးမျိုးတွေးတတ်ကြတယ်။အဲဒီအများစုထဲမှာ သင် မပါဘူးဆိုရင် ဒါဟာ သိပ်ကို ဂုဏ်ယူစရာ ကောင်းနေပါပြီ။ပါနေခဲ့ရင် တော့ ပြုပြင် နိုင်ဖို့ ကြိုးစားရမှာပါ။မေးခွန်း (၂)(၃)(၄)(၅) ရဲ့ အဖြေမှန်တွေကို လည်း မိတ်ဆွေသိပြီးသားပါ။လုပ်သင့်တာကို လက်တွေ့မှာ တကယ်လုပ်ဖို့ပဲလိုအပ်တာပါ။

နိုင်ငံရေးခေါင်းဆောင်တွေဘက် နိုင်ငံရေးစနစ်ကို တည်ဆောက်နေတာကိုချည်း အားကိုးနေမဲ့အစား လူထုဘက်ကလည်း အမူအကျင့်တွေပြောင်းလဲပစ်နိုင်ဖို့လိုပါမယ်။အကျင့်ဟောင်းပိုင်ရှင်တွေလည်း အခုအချိန်မှာ ပြောင်းလဲဖို့အချိန် အလုံအလောက် ရရှိခဲ့ပြီးဖြစ်ပါတယ်။ပြောင်းလဲချင်တဲ့စိတ်ပဲ ရှိဖို့လိုအပ်တော့ပါတော့တယ်။

ဒီမိုကရေစီနိုင်ငံကို အိပ်မက်မက်နေမဲ့အစား ကျွန်တော်တို့ရဲ့အမူအကျင့်တွေကို ပြောင်းလဲလိုက်ခြင်းဖြင့် တည်ဆောက်လိုက်ကြပါစို့ဗျာ..
တည်ဆောက်ရမယ့် နိုင်ငံတော်သစ် (7Day Dialy)

ဆယ်စုနှစ်ပေါင်းများစွာ မှားယွင်းတဲ့နိုင်ငံရေးစနစ်အောက်မှာ နေထိုင်ခဲ့ရတဲ့ ကျွန်တော်တို့တွေမှာ အတွေးအခေါ်စံနှူန်းတွေနဲ့ အမူအကျင့်ပိုင်းမှာ အတော်လေးနိမ့်ပါးနေတယ်။အခု ကျွန်တော်တို့က မြန်မာနိုင်ငံတော်သစ်ကို တည်ဆောက်မယ် ကြွေးကြော်နေကြတယ်။ဒါပေမဲ့ကျွန်တော်တို့ရဲ့ အတွေးအခေါ်စံနှူန်းတွေနဲ့ အမူအကျင့်တွေ မ ပြောင်းလဲဘဲ မြန်မာနိုင်ငံတော်သစ်ကို တည်ဆောက်နိုင်မယ် လို့ မိတ်ဆွေ ယုံကြည်ပါသလား။ကျွန်တော်ကတော့ မယုံကြည်ဘူးလို့ အခိုင်အမာပြောချင်တယ်။အများစုက ဒီမိုကရေစီကို လိုတရ မီးခွက်တစ်ခွက်လို့ အထင်မှားနေကြတယ်။တကယ်တော့ ဒီမိုကရေစီဆိုတာ နိုင်ငံရေးစနစ်တစ်ခုပါပဲ။နိုင်ငံရေးစနစ်ဆိုတာဟာ နိုင်ငံတော် တည်ဆောက်ရေးရဲ့ အစိတ်အပိုင်းတစ်ခုပဲ။ ကျွန်တော်တို့ဟာ နိုင်ငံရေးစနစ်ကို တည်ဆောက်ရင်း အတွေးအခေါ်နဲ့အမူအကျင့်တွေကိုပါ တည်ဆောက်ဖို့ လိုအပ်နေတယ်ဆိုတာကို သိမြင် နားလည်ဖို့အချိန်ရောက်နေပါပြီ။မြန်မာနိုင်ငံတော်သစ်ဟာ အိမ်မက် မက်နေရုံနဲ့ ကျွန်တော်တို့ရှေ့ကို ရောက်မလာနိုင်ပါဘူး။

0 comments:

Post a Comment

ဟောင်ကောင် ဆန္ဒပြပွဲ ဘယ်မှာလမ်းဆုံးမလဲ


" ဟောင်ကောင် ဆန္ဒပြပွဲ ဘယ်မှာလမ်းဆုံးမလဲ"
ဟောင်ကောင် ဆန္ဒပြပွဲတွေနဲ့ ပတ်သက်ပြီး စဉ်းစားမိတာ နှစ်ခု ရှိပါတယ်။
ပထမတစ်ခုကတော့ ကျနော်တို့ဆီက ဆန္ဒထုတ်ဖော်ပွဲတွေနဲ့ပတ်သက်ပါတယ်။

0 comments:

Post a Comment

ကျွန်တော်နဲ့ ကွန်ပြူတာ (၄)၊


DSTA တတိယနှစ်
လှူဒါန်းခြင်းဆိုတာ မဖြစ်မနေတာဝန်တရပ်မဟုတ်ဘဲ ကောင်းမြတ်တဲ့စေတနာကြောင့် ဖြစ်ပေါ်လာတဲ့ ကာယကံမြောက်ကောင်းမှုလို့ နားလယ်ထားတယ်။ မလုပ်ပေးလည်းရတယ်တဲ့ သဘော။ စေတနာပြဒါန်းချက်ကြောင့် လုပ်ပေးတဲ့ သဘော။

0 comments:

Post a Comment

Followers