NLD ဘာတွေ မှားခဲ့ပြီလဲ ?



၁။ ရွေးကောက်ပွဲကာလ
"လူကိုမကြည့်ပါနဲ့ ပါတီကိုကြည့်ပြီးမဲ
ထည့်ပါ" ဆိုတဲ့ကြွေးကြော်သံနဲ့ရွေးကောက်ပွဲကတက်လာတဲ့လူတွေရဲ့အရည်အချင်း ကိစ္စဟာ ခုအချိန်မှာပြဿနာ တစ်ခုဖြစ်လာပါပြီ။ပါတီမျက်နှာနဲ့တက်လာပြီးပါတီသိက္ခာကျအောင် လုပ်နေတဲ့ လွှတ်တော်ကိုယ်စားလှယ်တွေတစ်ယောက်ပြီးတစ်ယောက်ပေါ်လာတာကို ဘယ်လိုနိုင်အောင်ထိန်းမလဲ ဆိုတာ (ကတိပေးခဲ့တဲ့အတိုင်းကိုယ့်လူကိုယ်နိုင်တယ်ဆိုတာဘယ်လိုနိုင်မှာလဲ)
ဆက်ကြည့်ကြရအုံးမှာဖြစ်ပါတယ်။မည်သို့ဆိုစေ အပြင်းထန်ဆုံးပြစ်ဒဏ်အဖြစ် ပါတီက ထုတ်ပယ်ရုံမှတပါး လွှတ်တော်ကိုယ်စားလှယ်ကနေဖြုတ်လို့မရတဲ့အတွက်အခြားပါတီဘက်
တောင်ပါသွားမယ့်မဲတစ်မဲဖြစ်သွားနိုင်ပါသေးတယ်။

ရွေးကောက်ပွဲအကြိုကာလမှာ လူနဲ့ပါတီနှစ်ခုစလုံးကြည့်ဖို့လိုတယ် ဆိုတဲ့အကြံပြုချက်တွေကိုလက်မခံခဲ့ဘဲဗိုလ်ချုပ်အောင်ဆန်းလည်းဒီလိုလုပ်ခဲ့တယ်လို့ပြန်ထောက်ပြကြပါသေး
တယ်။ဗိုလ်ချုပ်အောင်ဆန်းက
ရွေးကောက်ပွဲမှာ အချိန်မရခဲ့ဘူး။အချိန်မရတဲ့အတွက်ဒီလိုရွေးခဲ့ရတယ်လို့်လည်းသူကိုယ်တိုင်ပွင့်ပွင့်လင်းလင်းပဲပြောခဲ့တယ်။ ၁၉၄၇ခုနှစ် ဇန္နဝါရီလ (၂၇)ရက်နေ့မှာအောင်ဆန်းအက်တလီ စာချုပ်လက်မှတ်ရေးထိုးပြီးချိန်ကစလို့ဧပြီလရွေးကောက်ပွဲလုပ်ရမှာဖြစ်လို့ အချိန်နှစ်လကျော်သုံးလနီးပါးပဲရ
တယ်။ဘယ်လိုမှအချိန်ယူရွေးချယ်ဖို့
အချိန်မရခဲ့ဘူး။အခုNLDက၂၀၁၀
ခုနှစ်ကစလို့ အချိန်ငါးနှစ်ရပါတယ်။၂၀၁၂ကြားဖြတ်က စတွက်ရင်တောင် အချိန်သုံးနှစ်ကောင်းကောင်းရပါတယ်။
သုံးလအတွင်းလုပ်ရတဲ့ရွေးကောက်ပွဲနဲ့ သုံးနှစ်အချိန်ရတဲ့ရွေးကောက်ပွဲနှိုင်း
ယှဉ်လို့မရပါဘူး။စိတ်ကြိုက်အမတ်လောင်းတွေခေါင်း
ခေါက်ရွေးဖို့အချိန်အလုံအလောက်ရခဲ့ပါတယ်။ဒီအခြေခံရေသောက်မြစ်အမှားရဲ့ဒဏ်ကိုငါးနှစ်လုံးလုံးခံကြရအုံးမှာဖြစ်ပါ
တယ်။
၂။ အစိုးရအဖွဲ့
ရွေးကောက်ပွဲအနိုင်ရပြီးနောက် အစိုးရအဖွဲ့ဖွဲ့ဖို့အချိန်အလုံအလောက်ရခဲ့ပါတယ်။ လုံလောက်တဲ့အပြင်အချိန်ကြာလွန်းလို့ ကမ္ဘာမှာရွေးကောက်ပွဲပြီးအာဏာလွှဲ
ပြောင်းပေးဖို့အချိန်အကြာဆုံးတိုင်းပြည်လို့တောင်NLDကပြောခဲ့ပါသေး
တယ်။အစိုးရအဖွဲ့အမည်စာရင်းတွေထွက်လာချိန်မှာတော့မှတကယ့်ကိုအိုးနင်းခွက်နင်းလက်တန်းပုံစံတွေဖြစ်နေပါတော့
တယ်။စီဗွီဖောင်အတုအမှားတွေကအစ ဝန်ကြီးဋ္ဌာနလေးခုကိုတစ်ယောက်တည်းကိုင်တဲ့အထိ၊ကမ္ဘာ့အကြာဆုံးအစိုး
ရအဖွဲ့ဖွဲ့ချိန် ၊အချိန်ရခဲ့တဲ့အနိုင်ရပာတီ
ကြီးဟာအစိုးရအဖွဲ့ဖွဲ့စည်းရေးမှာ
လူမှန်နေရာမှန်စနစ်တကျအချိန်ယူ
မရွေးချယ်ခဲ့ဘူးဆိုတာထင်ရှားနေပါ
တယ်။အဓိကအရေးကြီးတဲ့စီးပွားရေးမူဝါဒ
ဆိုင်ရာဝန်ကြီးတွေလူရွေးချယ်မှုအမှားဟာ အဆိုးဝါးဆုံးပါပဲ။ဘွဲ့အတုကိစ္စတွေထောက်ပြဝေဖန်ကြ
တာပလူပျံခဲ့ပေမယ့် ဂရုမစိုက်ခဲ့ပါဘူး။
ဒီအမှားတွေရဲ့ဒဏ်ကိုအခုခြောက်လခုနှစ်လအတွင်းမှာဒီလောက်ခံနေရပြီဖြစ်လို့နောက်ထပ်လေးနှစ်ခွဲဘယ်လိုရင်ဆိုင်ကြမလဲ စဉ်းစားဖို့လိုနေပါပြီ။
၃။ ငြိမ်းချမ်းရေး
ပြည်ထောင်စုငြိမ်းချမ်းရေးညီလာခံအ
မည်ကိုဒုတိယပင်လုံလိုအမည်တပ်ပြီး
ပင်လုံကတိကဝတ်တွေပါဝင်လာ
အောင်ဆွဲထည့်လိုက်ခြင်း၊All Inclusiveအားလုံးပါဝင်ရေးမူကိုဆွဲကိုင်ခြင်းငြိမ်းချမ်းရေးလောဘကြောင့်ငြိမ်းချမ်းရေးအကြပ်အတည်းပိုကြီးမားလာရပါတယ်။
ပင်လုံဆိုတာနဲ့ကိုယ်ပိုင်ပြဋ္ဌာန်းခွင့်
အပြည့်အဝရရှိရေးကအဓိကဇာတ်
လိုက်ဖြစ်လာပါတယ်။(ခွဲထွက်ခွင့်ကိုအသာထားလိုက်ပါအုံး)ကိုယ်ပိုင်ပြဋ္ဌာန်းခွင့်အပြည့်အဝ ရတယ် ဆိုတာနိုင်ငံခြားရေးကာကွယ်ရေးဆိုတဲ့အချုပ်အခြာအာဏာကလွဲလို့ကိုယ့်ပြည်နယ်အတွင်းမှာကိုယ့်စိတ်ကြိုက်ဥပဒေပြဋ္ဌာန်းပြီး အုပ်ချုပ်တာဖြစ်ပါတယ်။ဗဟိုအစိုးရမှာ အင်အားချိနဲ့ပြီး ပြည်နယ်အစိုးရတွေမှာအာဏာအပြည့်အဝရှိတဲ့ကိုယ်ပိုင်ပြဋ္ဌာန်းခွင့်အပြည့်အဝတွေပေးလိုက်ရင်ဘာတွေဖြစ်လာမလဲ။ပြည်ထောင်စု ခိုင်မြဲမလား၊ပြိုကွဲမလားရိုးရိုးလေးတွေးကြည့်ရုံနဲ့သိနိုင်ပါတယ်။
၄၇ပင်လုံကာလကကိုယ်ပိုင်ပြဋ္ဌာန်းခွင့်အပြည့်အဝရရှိရေးဟာကိုက်ညီကောင်းကိုက်ညီနိုင်မှာဖြစ်ပေမယ့်အခုအခြေအနေတွေမှာပေးလို့ဖြစ်မဖြစ်လက်တွေ့ကျကျစဉ်းစားရပါမယ်။
ပင်လုံဆိုတာနဲ့ကိုယ်ပိုင်ပြဋ္ဌာန်း
ခွင့်အပြည့်အဝရရှိရေးကမဖြစ်မနေပါလာပါပြီ။NLDကိုယ်တိုင်လည်းအတိုက်အခံဘဝကတိုင်းရင်းသားတွေကိုပိုင်ပြဋ္ဌာန်းခွင့်အပြည့်အဝရရှိရေးကိုတစိုက်မတ်မတ်
ထောက်ခံခဲ့ပါတယ်။ဒါပေမယ့်အာဏာရလာတဲ့အခါမှာ
တော့ရခိုင်နဲ့ရှမ်းလိုပြည်နယ်တွေမှာကိုဒီလိုပြည်နယ်အာဏာအခွင့်အရေး
လမ်းစတွေပေးနိုင်ခွင့်ရှိရက်နဲ့မပေးခဲ့ပါဘူး။
လက်ရှိအခြေအနေမှာကိုယ်ပိုင်ပြဋ္ဌာန်းခွင့်အပြည့်အဝပေးခြင်းဟာဖက်ဒရယ်
ပြည်ထောင်စုစစ်စစ်ဖြစ်ဖို့်ထက် ခွဲထွက်ရေးဆီဦးတည်နေတယ်ဆိုတာ
သိနေကြပါတယ်။
ပြည်နယ်အလိုက်လူမျိုးအလိုက်ရည်ရွယ်ချက်မတူညီဘဲပေါ်လာကြတဲ့လက်နက်ကိုင်အဖွဲ့အားလုံးတပြိုင်တည်းပါ
ဝင်ရေးဆိုတာကလည်းစိတ်ကူးယဉ်
လွန်းပါတယ်(ဦးသိန်းစိန်လက်ထက်ကလည်းဒီအမှားကိုလုပ်ခဲ့ဖူးပါတယ်)NCAလက်မှတ်မထိုးတဲ့အဖွဲ့တွေရဲ့အမျိုးမျိုးပညာပြလှည့်စားမှုအောက်မှာNCAလက်မှတ်ထိုးပြီးတဲ့အဖွဲ့တွေပါစိတ်ပျက်လာပြီးပျက်သွားနိုင်တာသတိပြုရပါမယ်။ငြိမ်းချမ်းရေးညီလာခံအပြီးမှာNCA
လက်မှတ်မထိုးတဲ့အဖွဲ့တွေရဲ့ဈေးခေါ်
ကောင်းအောင် ကစားမှုတွေကြောင့် All Inclusive အားလုံးပါဝင်ရေးငြိမ်း
ချမ်းရေးဆိုတာအလွန်ခက်တယ်ဆိုတာထက်ဘယ်လိုမှကိုမဖြစ်နိုင်ဘူးလို့ကို
ပြောရမှာဖြစ်ပါတယ်။ခြောက်လတစ်ကြိမ်ငြိမ်းချမ်းရေးညီလာ
ခံကြီးလုပ်လိုက်တိုက်ပွဲတွေပိုကျယ်ပြန့်လာလိုက်နဲ့သံသရာလည်နေပါတော့
မယ်။ငြိမ်းချမ်းရေးမလိုချင်သူကိုပြတ်ပြတ်သားသားတိုက်၊လိုချင်သူတွေနဲ့ရ
အောင်မြင်အောင်ဆွေးနွေးဆိုတဲ့အယူအဆကိုလက်တွေ့အကောင်အထည်
ဖော်မှသာ အောင်မြင်နိုင်ပါလိမ့်မယ်။
၂၁ရာစုပင်လုံနဲ့All Inclusive ငြိမ်းချမ်းရေးလမ်းစဉ်ဟာမှားသလားမှန်သလားအချိန်ကဆုံးဖြတ်ပေးသွားပါလိမ့်မယ်။
၎။ ရခိုင်ဘင်္ဂလီအရေး
နိုင်ငံတကာပြဿနာအဖြစ်ရဲရဲဝန့်ဝန့် ဆွဲတင်လိုက်ပြီးကိုဖီအာနန်ကော်မရှင်နဲ့အဖြေရှာ လိုက်တဲ့အတွက် မြုံနေတဲ့အနာကို ဆွပေးလိုက်သလို ပြဿနာတွေပိုကြီးလာပါတယ်။နိုင်ငံတကာအမည်ခံ OIC,UNတို့အကြိုက်ကစားကွက်ထဲ
ရောက်သွားပြီးတဖြေးဖြေးဘော့စနီးယားကိုဆိုဗိုပုံစံဖြစ်အောင်ဆွဲသွင်းခံနေရပါပြီ။အချုပ်အခြာအာဏာကာကွယ်ထိန်း
သိမ်းရေးနဲ့နိုင်ငံတကာ လူ့အခွင့်အရေး
ဗန်းပြ လူမျိုးရေးဘာသာရေး တို့လွန်ဆွဲပွဲကိုနိုင်ငံတကာမျက်နှာစာမှာဘယ်လိုဆက်ရှင်းမလဲဆိုတာရင်တမမနဲ့စောင့်ကြည့်ဖို့သာရှိပါတော့တယ်။
အချုပ်အခြာအာဏာအတွက်ဘာဖြစ်ဂရုမစိုက်ဘူးလို့လုပ်ရင်ဘော်လကန်ကသားသတ်သမားသမုတ်ခံရတဲ့မီလိုဆီ
ဗစ်လိုဖြစ်သွားနိုင်သလိုအလျှော့ပေး
လွန်းရင်လည်းဂိုဗာချော့ရဲ့ဆိုဗီယက်လိုပြိုကွဲသွားနိုင်ပါတယ်။အမှားမခံတဲ့ကြိုးတန်းလမ်းလျှောက်အခြေအနေမှာရောက်နေပါတယ်။
နိုင်ငံတကာပြဿနာအဖြစ် ရဲရဲဝန့်ဝန့်
စွန့်စားမှုဟာလောင်းကြေးကြီးတဲ့ကစားဝိုင်းတစ်ခု လို ဖြစ်နေပါတယ်။အမှားအမှန်ကိုသမိုင်းကဆုံးဖြတ်ပေးသွားပါလိမ့်မယ်။
၅။ အဂတိလိုက်စားမှု တိုက်ဖျက်ရေး
နှစ်သောင်းငါးထောင်ကျပ်တန်ဖိုးထက်မပိုသောလက်ဆောင်ပစ္စည်း ကိုလက်မခံရ ဆိုတဲ့ ညွှန်ကြားချက်နဲ့ အဂတိကင်းစင်သောအစိုးရတစ်ရပ်ထူထောင်ဖို့ကြိုးပမ်းချက်ဟာဘယ်
လောက် ခရီးပေါက်ခဲ့ပါပြီလဲ။ ရွေးကောက်ပွအကြိုကာလမှာရှားရှားပါးပါးကတိပေးခဲ့တဲ့အချက်တစ်ချက်ဖြစ်တဲ့အဂတိကင်းစင်သောအစိုးရဖြစ်စေရမယ်ဆိုတာဘယ်လောက်အောင်မြင်လာပြီလဲ။ဘယ်လိုစီမံချက်တွေနဲ့ အဂတိကင်းတဲ့အစိုးရဖြစ်အောင်လုပ်မှာလဲ၊တကယ်အဂတိကင်းစင်တဲ့
အစိုးတစ်ရပ်ဖြစ်အောင်လုပ်နိုင်မှာလားဆိုတဲ့မေးခွန်းတွေ ကိုဖြေဖို့ ခက် တယ်ဆိုတာထက်အရင်ကထက်ပို ဆိုးမသွားအောင်လုပ်နိုင်ရင်ကို အသိအမှတ်ပြုရပါလိမ့်မယ်။အစိုးရအဖွဲ့ဝင်တွေကိုဖြုတ်ပစ်မယ်ပြောလိုက်ရုံ၊အတွင်းဝန်တွေပညာပြတယ်
်ပြောလိုက်ရုံနဲ့တော့အလုပ်မဖြစ်နိုင်ပါဘူး။
၆။ တရားဥပဒေစိုးမိုးရေး
တရားဥပဒေစိုးမိုးရေးအဓိက ဆိုတဲ့ကြွေးကြော်သံနဲ့အရင်အစိုးရလက်ထက်မှာတရားဥပဒေစိုးမိုးမှုမရှိဘူးလို့ဆီမန်းမန်းသလိုရွတ်ခဲ့တဲ့အတိုက်အခံဘဝကနေမိမိအစိုးရဖြစ်တဲ့အချိန်မှာဘာကြောင့်အရင်ထက်ပိုဆိုးတဲ့တရားဥပဒေစိုးမိုးရေးဖြစ်အောင်ကျဆင်းခဲ့ရပါသလဲ။ဘယ်သူတွေဘာတွေမှားလို့ဒီလို
ဖြစ်နေရတာလဲ။
၇။ စီးပွားရေး
နောက်ဆုံးမှရေးပေမယ့်အရေးကြီးဆုံးကိစ္စပါ။အလွန်အရေးကြီးပါတယ်။ဦးနေဝင်းရဲ့လမ်းစဉ်ပါတီပြုတ်သွားတာတစ်ပါတီအာဏာရှင်စနစ်ကြောင့်မဟုတ်ပါ။စီးပွားရေးကောင်းအောင်မလုပ်
ပေးနိုင်လို့သာဖြစ်ပါတယ်။နဝတ၊ နယက ကိုလူထု မကြိုက်တာ စစ်အာဏာရှင်စနစ်ကြောင့်မဟုတ်ပါ။စီးပွားရေးကောင်းအောင်မလုပ်ပေးနိုင်လို့သာဖြစ်ပါတယ်။
NLDကို လူထုထောက်ခံအားပေးခဲ့တာ ဒီမိုကရေစီကြောင့်မဟုတ်ပါ။စီးပွားရေးကောင်းအောင်လုပ်ပေးနိုင်
မယ်လို့မျှော်လင့်ခဲ့လို့ဖြစ်ပါတယ်။
အခု(၇)လအတွင်းကျဆင်းခဲ့တဲ့စီးပွား
ရေးကိုအမြန်ဆုံးပြန်လည်မြှင့်တင်နိုင်ဖို့အရေးဟာအရေးတကာ့အရေးကြီးဆုံးပါပဲ။All Inclusive ငြိမ်းချမ်းရေး(၅)
နှစ်အတွင်း မရနိုင်သေးပါဘူး။ဖြေးဖြေးလုပ်ပါ။ကုန်ကုန်ပြောရရင် ကျန်တဲ့ကိစ္စတွေဖြေးဖြေးလုပ်ပါ။အစိုးရမပြုတ်နိုင်ပါဘူး။စီးပွားပျက်ကပ်ဆိုက်ရင်တော့ အစိုးရပြုတ်တတ်တယ်ဆိုတာပြီးခဲ့တဲ့အစိုးရတွေရဲ့သင်ခန်းစာမှာတွေ့နိုင်ပါတယ်။ဒီလူဒီမူတွေနဲ့လုပ်နိုင်စွမ်းအားရှိမရှိ သေသေချာချာသုံးသပ်ပြီးလိုအပ်သလိုလူတွေမူတွေကိုပြတ်ပြတ်သားသားပြင်ရမယ့်အချိန်ရောက်နေပါပြီ။
အခြေခံလူထုရဲ့စားဝတ်နေရေးပြဿနာကိုတိုးတက်အောင်လက်တွေ့မဖြေရှင်းနိုင်တဲ့အစိုးရဟာအနှေးနဲ့အမြန်ကျဆုံးသွားပါလိမ့်မယ်။
၈။ အထွေထွေ
အစိုးရသက်တမ်း(၇)လဆိုတာအလွန်နုနယ်ပါသေးတယ်။ဒီနုနယ်တဲ့ကာလအတွင်းမှာဘာတွေမှားခဲ့သလဲဆိုတာမှန်မှန်ကန်ကန်သုံးသပ်ပြီးပြင်လို့မရတာတွေသင်ခန်းစာယူပြင်လို့ရတာတွေအမြန်ဆုံးပြင်ဆင်ပြောင်းလဲဖို့အချိန်ရှိပါသေးတယ်။
အခြေခံရေသောက်မြစ်ဖြစ်တဲ့
"လူကိုမကြည့်နဲ့ပါတီကိုကြည့်"အစား
"လူနဲ့မူနှစ်မျိုးစလုံးကြည့်ရမယ်"ဆိုတဲ့
ကြွေးကြော်သံအသစ်နဲ့"မကောင်းတဲ့လူတွေကိုရဲရဲတင်းတင်းလဲထုတ်၊မကောင်းတဲ့မူတွေကို ရဲရဲတင်းတင်း ဆွဲဖြုတ် "ဆိုတဲ့ လမ်းစဉ် သစ်နဲ့ အချိန်ရှိခိုက် ပြင်လိုက်ကြမှသာ ရွှေပြည်တော် မျှော်တိုင်းဝေး ဘဝက လွတ်မြောက်နိုင်မယ်လို့ထင်မြင်ယူဆမိပါကြောင်း။ ။


Bullet News Journal ပါဆောင်းပါး 


သောင်းလွင်ဟိန်း 

0 comments:

Post a Comment

Followers